Paaralan

Sa pagtapak pa lang sa paaralan,

Kinakabahan sa mundong gagalawan,

Nangangatog mga kalamnan,

Di malaman ang pupuntahan.





Mga bagong kaibigang pakikisamahan,

Sa apat na taong pagsasamahan,

Iba't-ibang ugaling matutuklasan,

Ang kasamaan ay dapat iwasan.





Mga guro ay magiging daan,

Upang talento mapaghusayan,

Mahasa sa napiling larangan,

Upang sa reyalidad ay maaasahan.





Ngayon pasasalamat ang pabaon,

Sa munting panahong inilagi,

Makakaramay sa anumang hamon,

Sa tahanang naging malaking bahagi.